დავით ზედელაშვილი

საქართველოს უნივერსიტეტი

Gnomon Wise

მკვლევარი, ლექტორი

ORCID: https://orcid.org/-0009-0006-6450-4912

d.zedelashvili@ug.edu.ge

მოდერნული კონსტიტუციური ერი-სახელმწიფოს საჭიროება საქართველოსთვის და მისი სოციალური საფუძვლები ნოე ჟორდანიას პოლიტიკურ ტექსტებში (1918-1921)

აბსტრაქტი

საქართველოს პირველი დემოკრატიული რესპუბლიკის დაფუძნება ერთგვარ პოლიტიკურ პარადოქსს ეყრდნობა. იმ პერიოდში, დომინანტურმა და დამფუძნებელი ძალაუფლების მქონე სოციალ-დემოკრატიულმა პარტიამ, გადამწყვეტი წვლილი შეიტანა საქართველოს დემოკრატიული რესპუბლიკის შექმნაში, მოდერნული კონსტიტუციური ერი-სახელმწიფოს ფორმით.

თავის მხრივ, პოლიტიკური ორგანიზაციის ეს ფორმა, არსებით წინააღმდეგობაში  იყო ამ პარტიის მარქსისტულ იდეოლოგიასთან. რესპუბლიკის დამფუძნებლები, მათ შორის, უპირველესად მთავრობის თავმჯდომარე ნოე ჟორდანია, აცნობიერებდნენ ამ შინაგან წინააღმდეგობას. ნოე ჟორდანიას პოლიტიკურ ტექსტებში დამფუძნებელი პერიოდიდან, ვპოულობთ ამ წინააღმდეგობის ორიგინალურ გადაწყვეტას. ჟორდანიას ანალიზი განსაკუთრებით მნიშვნელოვანია და დღემდე რელევანტურობას არ კარგავს იმდენად, რამდენადაც წარმოაჩენს საქართველოში მოდერნული სახელმწიფოს  შენების გზაზე არსებულ მთავარ წინაღობას - ინდუსტრიული საზოგადოებებისთვის დამახასიათებელი სოციალური სტრუქტურისა და მოდერნიზაციის ხარისხის არარსებობას.

 

საკვანძო სიტყვები: მოდერნული კონსტიტუციური ერი-სახელმწიფო, ნოე ჟორდანია, ნოე ჟორდანიას პოლიტიკური ტექსტები