ნინო ქართველიშვილი
სს „ საქართველოს ბანკი“
პროფესიული განვითარების ქოუჩი
თბილისი, საქართველო
ORCID: 0009-0008-1318-9750
ნინო ქართველიშვილი
სს „ საქართველოს ბანკი“
პროფესიული განვითარების ქოუჩი
თბილისი, საქართველო
ORCID: 0009-0008-1318-9750
გენდერული თანასწორობა და ქალები მენეჯერულ პოზიციაზე საქართველოსა და კავკასიაში – წარსული, აწმყო, მომავალი
აბსტრაქტი
წარსულში ტრადიციული გენდერული როლები და სოციალური ნორმები ხშირად ზღუდავდა ქალებს დაეკავებინათ მენეჯერული პოზიციები.
დღესდღეობით, საქართველოსა და კავკასიაში მნიშვნელოვანი პროგრესია გენდერული თანასწორობის თვალსაზრისით, რაც საზოგადოებაში ცნობიერების ამაღლების დამსახურებაა. თუმცა, ჯერ კიდევ ბევრი არის გასაკეთებელი, რათა მიღწეული იყოს სრული თანასწორობა.
კავკასიაში და საქართველოში ქალებს კარიერული წინსვლა და მითუმეტეს მენეჯერული პოზიციის დაკავება ძალიან უჭირდათ, გარკვეული წინაღობების გამო. ეს ბარიერები იყო შემდეგი სახის :
1. გენდერული სტერეოტიპები :
ტრადიციული გენდერული როლები და სტერეოტიპები წარსულში ხშირად ზღუდავდა ქალების კარიერულ შესაძლებლობებს. აღქმა, რომ ქალები პირველ რიგში, უნდა ფოკუსირდნენ ოჯახურ პასუხისმგებლობებზე ქმნიდა ბარიერებს დაეკავებინათ ორგანიზაციებში მაღალი თანამდებობები.
2. შეზღუდული განათლება და უნარების განვითარება:
წარსულში ქალებს მამაკაცებთან შედარებით ჰქონდათ შეზღუდული წვდომა ხარისხიან განათლებაზე. საგანმანათლებლო რესურსების ეს ნაკლებობა კი ხელს უშლიდა მათ, კონკურენცია გაეწიათ მენეჯერულ პოზიციაზე მამაკაცებისთვის.
3. „შუშის ჭერი“:
ქალები ხშირად აწყდებოდნენ „მინის ჭერის“ ფენომენს, სადაც კარიერული წინსვლის უხილავი ბარიერების წინაშე იდგნენ. გენდერული მიკერძოება და დისკრიმინაციული პრაქტიკა სამსახურში დასაქმებასა და დაწინაურებაში ხელს უშლიდა.
4. სამუშაო და ცხოვრების ბალანსის გამოწვევები:
სამუშაო და ოჯახური პასუხისმგებლობების დაბალანსება მნიშვნელოვანი გამოწვევა იყო და არის ზოგადად ქალებისთვის.
5. გენდერული ანაზღაურების სხვაობა:
საქართველოში და კავკასიაში ქალებს ჰქონდათ გენდერული ანაზღაურების სხვაობა, სადაც ისინი მამაკაცებთან შედარებით ნაკლებ შემოსავალს იღებდნენ მსგავსი სამუშაოს შესრულებისთვის.
გენდერული თანასწორობისკენ პროგრესი არის კოლექტიური ძალისხმევა, რომელიც მოითხოვს სხვადასხვა დაინტერესებული მხარის, მათ შორის, მთავრობების, დამსაქმებლების, სამოქალაქო საზოგადოების და ცალკეული პირების ჩართულობას. მხოლოდ ერთობლივი ქმედებებით არის შესაძლებელი შეიქმნას უფრო ინკლუზიური და სამართლიანი საზოგადოება, სადაც ქალებს ექნებათ თანაბარი შესაძლებლობები მენეჯერულ პოზიციაზე წარმატების მისაღწევად.
ამჟამად, წინა წლებთან შედარებით საქართველოსა და კავკასიაში მენეჯერულ პოზიციაზე დასაქმებულია უფრო მეტი ქალი სხვადასხვა სექტორში, მათ შორის ბიზნესში, პოლიტიკასა და სამოქალაქო საზოგადოებებში.
სამომავლოდ მნიშვნელოვანია გენდერული თანასწორობის ხელშეწყობა და ქალებისთვის დამხმარე გარემოს შექმნა მენეჯერულ როლებში, ამისთვის კი საჭიროა მთავრობამ და ორგანიზაციებმა ერთობლივი ძალისხმევით გაატარონ სხვადასხვა სახის აქტივობები და ღონისძიებები. ეს ყოველივე კი შექმნის სამართლიან გარემოს, რომელიც ხელს შეუწყობს გენდერულ თანასწორობას მენეჯერულ პოზიციაზე.