თეონა თავდიშვილი
დოქტორანტი
საქართველოს უნივერსიტეტი
თბილისი, საქართველო
თეონა თავდიშვილი
დოქტორანტი
საქართველოს უნივერსიტეტი
თბილისი, საქართველო
სიტყვიერი (Word of Mouth) და ინფლუენსერების მარკეტინგი
ქართულ კომპანიებში
სიტყვიერი მარკეტინგი ერთ-ერთი უძველესი და ეფექტური მარკეტინგული სტრატეგიაა, რომელსაც ორგანიზაციები მიმართავენ მომხმარებლების მოზიდვისა და მათი ლოიალურობის გაზრდის მიზნით. WOMM ეფუძნება ფენომენს, როდესაც კმაყოფილი მომხმარებელი საკუთარ გამოცდილებასა და შთაბეჭდილებებს უზიარებს სხვებს, რაც ქმნის ინტერესსა და ნდობას ახალ მომხმარებლებში.
ქართულ კომპანიებში მარკეტინგული სტრატეგიები ხშირად ეყრდნობა ტრადიციულ მეთოდებს, როგორიცაა სატელევიზიო რეკლამა, ბეჭდური მასალები და ინტერნეტრეკლამა, თუმცა სიტყვიერი მარკეტინგის პოტენციალი ხშირად უგულებელყოფილია მიუხედავად იმისა, რომ აღნიშნული სტრატეგიის გამოყენება მნიშვნელოვნად ზრდის მომხმარებელთა ნდობასა და ლოიალურობას, რაც, საბოლოო ჯამში, დადებითად აისახება კომპანიის წარმატებასა და ფინანსურ მაჩვენებლებზე.
ბოლო წლებში განსაკუთრებული პოპულარობა მოიპოვა ინფლუენსერების მარკეტინგმა, რომელიც წარმოადგენს სიტყვიერი მარკეტინგის ერთ-ერთ ფორმას. აღნიშნული სტრატეგია მოიცავს გავლენიან/ცნონილ ადამიანებთან თანამშრომლობას, რომელთა მიერ გაზიარებული ინფორმაცია/მასალა და რეკომენდაციები დიდ გავლენას ახდენს მათი გამომწერების ქცევაზე. ინფლუენსერები ხშირად ითვლებიან ექსპერტებად ან ლიდერებად კონკრეტულ სეგმენტში, რის გამოც მათი რეკომენდაციების მიმართ მომხმარებლების ნდობა მაღალია. ეს იძლევა შესაძლებლობას, კომპანიებმა უფრო სწრაფად და ეფექტურად მიაღწიონ ფართო აუდიტორიას და შეიქმნან პოზიტიური იმიჯი.
კვლევის მიზანს წარმოადგენდა ინფლუენსერების მარკეტინგის გავლენის შედეგების შესწავლა ორ ქართულ კომპანიაში. კვლევის ფარგლებში ჩატარდა დაკვირვება და ექსპერიმენტი ორ ქართულ კომპანიაში, რომლებიც მიმართავენ სიტყვიერ მარკეტინგს.
კვლევის პროცესში ჩატარდა ექსპერიმენტი 2024 წლის მარტის თვეში დაფუძნებულ კომპანია „ნადიმში“. საკვლევ აუდიტორიას წარმოადგენდნენ „ნადიმის“ მომხმარებლები. ესპერიმენტის მიზანს წარმოადგენდა განსაზღვრული სარეკლამო არხების საშუალებით ხმაურის გამოწვევა, რათა რაც შეიძლება მეტ ადამიანს ელაპარაკა პროდუქტის შესახებ.
დაკვირვება განხორციელდა ტანსაცმლის ინდუსტრიაში ერთ-ერთი უმსხვილესი მოთამაშის – დრესარიუმის – მარკეტინგულ აქტივობებზე და სარეკლამო არხებზე მათი ეფექტურობის შეფასების მიზნით. კვლევის ფარგლებში გაკეთდა კომპანიის მარკეტინგული გეგმისა და წლიური ბიუჯეტის ანალიზი. კომპანიის სამიზნე სეგმენტების მიხედვით შეფასდა გამოყენებული სარეკლამო არხებისა და აქტივობების ეფექტურობა - სოციალური მედია, ინფლუენსერები, იუთუბი, ბანერები, sms მარკეტინგი, ღონისძიებები.
საკვანძო სიტყვები: სიტყვიერი მარკეტინგი, ინფლუენსერების მარკეტინგი, ლოიალობა, ექსპერიმენტი, რეკლამა, ინფლუენსერი